Leioaztarrak

ARIGUNEA

Ariguneak, Euskaraldian zehar, euskaraz lasai aritzeko guneak izango dira.

Nola sortuko dira Ariguneak? Bertako kide guztiek euskara ulertu eta denek edo gehien-gehienek ariketa taldean egitea erabaki beharko dute. Entitatearen funtzionamenduan dagoeneko eratuta dauden taldeak edo espazioak dira, eta hizkuntza-praktikak euskarara aldatzea edo finkatzea dute helburu.  

Bi motatakoak izan daitezke: 

  • Kanpo Ariguneak herritarrei zerbitzua eskaintzen dieten entitateentzat pentsatu dira (harreran, telefonoan, kutxetan, barran…), eta bezeroek euskaraz hitz egiteko aukera bermatua izan dezatela bilatuko du, entitateko kideak Ahobizi edo Belarriprest direla ziurtatuz.
  • Barne Ariguneak: entitate barruko funtzionamenduari (sailak, zerbitzuak, kirol-taldeak, lan-taldeak, asanbladak…) begira sortuko dira, eta bi baldintza bete beharko ditu: kide guztiek euskara ulertzea eta kideen % 80 gutxienez Ahobizi edo Belarriprest modura ariketan parte hartzeko prest egotea. 

Zein entitateek hartu dezakete parte?

Mota guztietakoak: erakunde publikoek, gizarte eragileek, enpresek, kooperatibek, kultur eta kirol taldeek, etab.; tokian tokikoek, eskualde mailakoek, lurralde batekoek zein Euskal Herri osokoek. Parte hartzeko gutxienez, barne-arigune edota kanpo-arigune bat izatea bermatu behar dute.

*Arigunerik ez duten entitateei, norbanako bezala prozesuan sartzeko aukera emango zaie.

 

Izena eman

© 2020 Leioaztarrak
KULTUR LEIOA · Jose Ramon Aketxe Plaza, 11, 48940 Leioa

Lege oharra | Datuen babesa | Irisgarritasuna

JARRAI GAITZAZU!

  • facebook
  • instagram
  • twitter